Sie sind hier: Unterrichtsmaterial / Unterrichtsmaterial für Grundschulen / Klasse 1-2 / Allgemeines / Hartpuckern - Vorlesetheater (Kopie 1)

Hartpuckern - Vörleestheater

Hartpuckern

Dat is Avend. De lütte Muus Hinnerk sitt in ehr Bett. Hinnerk kann blots an een Saak dinken: Morrn is de eerste Schooldag! Sien Mudder hett to em seggt: „In de School schallst du aver jümmer op de Schoolmesterscheren!“ He hett antert: „Jo, dat will ik doon.“ Un sien Vadder hett seggt: „Streng di düchtig an in ’e School!“ Un he hett antert: „Jo, dat will ik doon.” Ok sien Grootmudder harr en goden Tipp för em: „Pass bi dat Rekenlehren jümmer goot op.“ Un he hett antert: „Jo, dat will ik doon.“

Nu an’n Avend hebbt siene Öllern em „Slaap goot!“ seggt. He schull nu man vun sien eersten Schooldag drömen. Man allens, wat he in sien Kopp hett, dat is, wo bang he is. Sien Hart is düchtig an’t Puckern. „Wat, wenn mien Schoolmestersche mi nich lieden kann? Wat, wenn ik nich reken un nich lesen lehren do?“, dinkt he. He kummt gor nich in’n Slaap.

Annern Morrn, as dat na School losgahn schall, dor is he mööd. All sünd se schick trechmaakt un sitt in een Reeg in’e Turnhall. Dor sünd ok de Haas Manni un de Katt Rieke, siene Frünnen ut den Kinnergoorn.

Rieke seggt to em: „Du bruukst nich bang ween. Sitt bi us! Wi kriegt dat hen!“

Dor föhlt sik de lütte Hinnerk nich mihr so alleen. De ölleren Schoolkinner speelt en lustig Theaterstück vör un Leder werd sungen. Meist harr Hinnerk ganz vergeten, wo he is.

Denn schall dat mit de Schoolmestersche in de Klass gahn. Hinnerk sien lütt Hart is wedder düchtig an’t Puckern.

In den Klassenruum seggt de Schoolmestersche Fro Piepvagel to de Klass: „Weet ji wat? As ik mien eersten Schooldag harr, dor weer ik so bang. Ik weer an’t Bevern un dach bi mi ‘Ik krieg dat nich hen! Ik lehr dat Lesen nie nich!’ Man dat stell sik rut, datt all Kinner dat lehrt hebbt. Un ik harr vele nee’e Frünnen un de School hett mi Spaaß maakt.“

Nu föhlt sik Hinnerk glieks en beten beter.

„Datt ji dat nich vergeten doot, dat all Kinner dat Lesen lehrt, singt wi nu tosamen dat Leed ‘Alle Kinder lernen lesen’“.

Un Hinnerk hett mitsungen, ut depen Harten.

Inszenierung als Vorlese-Theaterstück:

Die Kinder aus der 3. oder 4. Klasse üben das Stück ein, um es den neuen Erstklässlern bei der Einschulung vorzuspielen.

Die folgenden Figuren werden auf Karton aufgemalt, ausgeschnitten und an Schaschlik-Spieße geklebt:

Hinnerk, Maus

Mutter, Maus

Vater, Maus

Großmutter, Maus

Rieke, Katze

Manni, Hase

Lehrerin, Tier frei wählbar, evtl. Vogel (Name "Piepvagel")

Ein (oder mehrere) Vorleser liest den Erzählertext. Die Puppensprecher üben ihren Text (Zitate im Text) auswendig ein.

Die Stabpuppenspieler lernen, wann sie ihre Puppe bewegen müssen. Sie verstecken sich hinter einem großen Möbelstück oder Kasten. Nur ihre Puppen sind zusehen.

Der Vorleser liest aus dem Hintergrund, die Figuren spielen die Geschichte nach.

 

Quelle : www.schoolmester.de

Autorin: Henrike Lange

Lizenz: CC-SA-BY-NC

Wir freuen uns über die Einsendung von Übersetzungen in andere niedersächsische Dialekte oder Saterfriesisch an h-frese@web.de.

Download: Hartpuckern

Hörtext: Hartpuckern