Fachdag: Lust op Platt? - Man to!

An de 25. un 26. Määrt finnt weer en Fachdag in Beers (Ev. Bildungszentrum Bad Bederkesa) statt – die Maal also för all, de willen un könen, mit en Overnachten! Söven Workshops worden anboden: 1. Laat uns maal Theater spölen, 2. Plattdeutsch in der Grundschule – von ersten Spielen bis hin zum Unterrichtsfach, 3. Dit un dat up Platt för de School – 13 lüttje Unnerrichtsideen, 4. Mit Spraakanfängers in’t Lesen kamen, 5. „Dat bün ik“ – frisch komponierte plattdeutsche Lieder kennenlernen und einstudieren, 6. Plattdüütsch Theaterspelen – en Stück in een Stünn inöven, 7. Klimaschandaal un wat een dorgegen doon kann. – All Infos sünd hier to finnen, dat Anmellen is bit to de 11. Määrt mögelk.

Plattdüütsch schrieven - Inföhren in de Rechtschrievwies na SASS

 An de 18. Juni geiht dat in en Fortbillen um Plattdüütsch schrieven. Heike Hiestermann un Sebastian Salie maken de, se schrieven: Plattdüütsch schrieven – dat löppt! Arbeitsblöder, egen Texten un Översetten – bring Plattdüütsch in de School! Wullt du Plattdüütsch in den Ünnericht bruken un mit en seker Rechtschrievwies övertügen? In düsse Fortbillen lehrst du de Grundlagen vun’t Plattdüütsch-Schrieven (nordneddersassische Variant) to bruken. Eendoont, wat du dat för Arbeitsblöden, kreative Opgaven oder Översetten bruukst – du kriggst mehr Sekerheit un winnst Tiet biʼt Schrieven. Mit wat kannst du reken? In düsse praktische Fortbillen lehrst du: Eenheitliche Rechtschrievwies anwennen: Worüm en klore Orthografie vun Belang is. Plattdüütsch schrieven: De Regeln vun de nordneddersassische Schrieveswies. Texte överdragen: Hoochdüütsche un nedderdüütsche Texte in dien Plattdüütsch överdragen. Texte korrekt lesen: Unterstütten bi’t Bewerten un Verbessern vun Schöler-Texten. Egen Texe schrieven: Schrievt egen Plattdüütsch-Texte, de to düssen Ünnerricht passen doot! Verscheden Spele un Öven. För wokeen is düsse Fortbillen? Düsse Veranstalten is för Schoolmesterschen un Schoolmesters vun all Schoolformen, de Intress an de neddersassische Spraak hebbt, Plattdüütsch in’n Ünnericht bruken oder inföhren wüllt, Inspiratschoon för kreative Spraakprojekten söökt. De Fortbillen is as Grundlaag to bruken, wenn een sik op de Spraakpröven op de C1-Stoop vörbereiden will. – De NLC-Link is hier to finnen.